Центар за кариера

Центарот за кариера при Технолошко-металуршкиот факултет (ТМФ) служи како мост помеѓу студентите и компаниите. Во фокусот на работењето на ова тело се три категории студенти:

• идни студенти (преку обезбедување информации за средношколците/матурантите)
• тековни студенти (преку обезбедување практична настава, стипендии, вработување и програми за мобилност),
• дипломирани студенти (алумни).

Центарот ги информира идните студенти за можностите на ТМФ и ги води при изборот на студиската програма и процесот на запишување. Тековните студенти добиваат поддршка за развој на својата кариера, со поврзување со институции во јавниот и приватниот сектор, врз основа на нивните компетенции и интереси. Центарот им помага при организирање практична настава, како и при посредување помеѓу компаниите и студентите. Како тело кое е во постојана комуникација со индустријата, Центарот ги известува студентите за стипендиите кои ги доделуваат компаниите и им помага во процесот на аплицирањето. Со дипломираните студенти соработува преку алумни асоцијацијата на факултетот.

Мисија на Центарот за кариера при ТМФ:

• Поддршка и насочување на кариерата на тековните студенти и идните студенти;
• Поврзување на студентите со бизнис заедница;
• Промоција на факултетот пред пазарот на труд;
• Помош при преминот од академската средина во извршител на работна позиција;
• Овозможување полесен пристап на студентите до работни позиции.

Активности на Центарот:

Промоција на факултетот преку посети во средни училишта низ целата земја и одржување промотивни предавања пред идните студенти/матуранти, организирање посети од ученици од основното и средното образование, и промоција на кариерни настани организирани од самиот факултет, УКИМ или други студентски организации;

• Помош при запишувањето на студенти на сите студиски циклуси во рамките на факултетот;
• Организирање практична настава за создавање стручен кадар;
• Обезбедување информации за вработување и програми за мобилност;
• Организирање работилници за развој на кариерни вештини и подготовки за интервјуа;
• Одржување настани за контактирање со работодавци и посети на компании;
• Поттикнување и одржување на партнерства со работодавците во Македонија;
• Соработка со алумни за реализација на активности на центарот.

Контакт:
д-р Ана Томова, вонр.проф.
Раководител на Центар за кариера
e-mail: anatomova@tmf.ukim.edu.mk