Историја на факултетот – Технолошко-металуршки факултет

Секој има своја историја. Нашата започнува во далечната 1959 година. Во текот на своето постоење Технолошко-металуршкиот факултет минува низ периоди на континуирани промени сврзани со реформите на Универзитетот и високото образование, како и со потребите од воведување и развој на нови насоки и дисциплини, кои ќе одговараат, од една страна на експанзивниот развој на технологијата, а од друга страна на потребите на индустријата.

Година	Настан
1959	Основан Технолошкиот оддел на Техничкиот факултет во Скопје. Се запишуваат првите 84 студенти и започнува наставата по технологија.
1960	Запишана втората генерација: 154 редовни и 42 вонредни студенти. Започнува и наставата по металургија.
1961	Третата генерација: 192 редовни и 60 вонредни студенти.
1963	Земјотресот од 26 јули го онеспособува Факултетот за настава. Голем број студенти ги продолжуваат студиите на други универзитети.
1964	Дипломираат првите инженери технолози.
1965	Донесен Закон за основање Технолошко-металуршки факултет во рамките на Универзитетот во Скопје. Конституиран првиот Наставнички совет. Избран првиот декан.
1966	Факултетот се сели во новоизградените простории, во кои се наоѓа и денес. Објавено првото учебно помагало Краток практикум по физичка хемија, интерна скрипта.
1968-1970	Се отвораат насоките за хемиско инженерство и за текстил.
1969-1970	Започнуваат постдипломските студии на Факултетот.
1973	Одбранет е првиот магистерски труд.
1973	Одбранет е првиот докторат
1976	Реформа на Универзитетот “Кирил и Методиј”. Факултетот се дели на Технолошки факултет и Факултет за металургија и рударство (од 1980 само металургија). Повеќе наставници и асистенти минуваат на соодветни матични факултети.
1984	Со рационализација на наставата на Универзитетот, Факултетот повторно се спојува во единствен – Технолошко-металуршки факултет.
1999	Отворени нови насоки: биотехнологија, конфекциско инженерство и дизајн и менаџмент во хемиската индустрија.
2002	Формиран е центарот за трансфер на технологија